Imaxinar a educación: 50 anos de Frato

Hoxe fomos de excursión a Pontevedra, ó Pazo da Cultura,  á exposición "Imaxinar a educación. 50 anos con Frato" 
Pasámolo moi moi  ben , divertímonos aprendemos e xogamos moito moito moito. Tanto que a mañá pasou voando...

Acó vos quedan as fotos do evento:



Por se quedastes con ganas de máis, a visita é libre ata o 11 de xuño.

Preparando a excursión ás Illas Cíes.

O próximo venres se o tempo o permite iremos de excursión ás Illas Cíes.

Isto é o que estivemos traballando na clase de Primeiro  sobre as mesmas. E querémolo compartir con vós:

O vindeiro venres día 17 de xuño iremos de excursión ás ILLAS CÍES.

Na clase miramos algúns vídeos sobre as Cíes, de entre os vídeos que vimos, ista promoción das mesmas en FITUR gustounos moito:

Deixámosvos tamén un xogo LIM sobre as ILLAS ATLÁNTICAS e un link a un documental sobre as Illas Cíes.

Saída - Magosto na Casa do Patrón.

Onte martes fixemos unha saída educativa á Casa do Patrón.

Dividímonos en dous grupos: os "maiores" montaron a cabalo e os máis "pequenos" fixemos un obradoiro de pan, no que:  debullamos, peneiramos e fixemos uns boliños de pan que estaban riquísimos.

Ademais visitamos as distintas instalacións que nos gustaron moito : a taberna, a escola, a casa, e tamén vimos as ferramentas de distintos oficios coma o ferreiro, zoqueiro, tecedor e moito máis...

Despois de xantar comimos castañas asadas!!!!!

Pasámolo moi ben e aprendemos moitas cousas.

Proximamente deixaremos unha entrada con algunhas fotos da xornada de onte.

ALGUNHAS FOTOS DA SAÍDA A MARCELLE

Unha pequena escolma de fotos , case todas da paisaxe e dos animais!!.

EXCURSIÓN A MARCELLE (26 de maio)

Mañá día 26 de maio temos  excursion a Marcelle.
Marcelle é un parque no que conviven animais de distintas partes do mundo, dende o lobo, ata osos, cebras e outros moitos animais. É unha oportunidade magnífica de que os nenos e as nenas comprendan a importancia de protexer a fauna silvestre e conservar a natureza.

Chegará o alumnado coma sempre ó colexio (prégase puntualidade), e dende alí sairemos ás 9.
A hora de chegada está prevista sobre as sete e media da tarde aproximadamente.
Aquí vos deixo un link da páxina do parque para que teñades mais información.

(Clica na imaxe)

Excursión ó museo MARCO e obra de teatro.

O pasado martes día 5 os nenos e nenas de 1º, 2º e 3º fomos de excursión a VIGO.

Comezamos o día cunha obra de teatro nas dependencias de NOVACAIXAGALICIA  , que era en inglés! Estivemos atentísim@s

E despois de merendar adentrámonos na exposición BALEA NEGRA

A BALEA NEGRA é un proxecto expositivo que toma como punto de partida a crise provocada polo accidente do buque Prestige o 13 de novembro de 2002, o mesmo día que se inauguraba o MARCO, para documentar e rememorar aqueles días convulsos e para abordar algunhas das cuestións máis incitantes do noso tempo: a explotación da natureza, o legado do colonialismo, a historia da modernidade, o mito do progreso indefinido, o comercio marítimo, a globalización, os movementos sociais ou a guerra. ( texto tirado da páxina web do MARCO.)

 A exposición encantounos. E explicáronnola moi ben.

Acó vos quedan unhas pouquiñas fotos:

Excursión a Dinosaurios Park

Hoxe os nenos e nenas de 1º, 2º e 3º fomos de excursión ata Praia América a ver a exposición de Dinosauros Park.

A verdade é que foi moi interesante e ademais impresionounos moito, pasámolo moi ben.

E despois merendamos a pé de praia e ata estivemos xogando un anaco na area.

Pasámolo xenial! Acó vos quedan unhas pouquiñas fotos do día de hoxe.